УКМК: Күйүүчү-майлоочу майлардын контрабандасына бөгөт коюлду
УКМК кызматкерлери Чүй облусунун көзөмөл-өткөрүү пункттарында жана стационардык пункттарында 2 оор жүк ташуучу унааны солярка менен кармашты. Бул тууралуу аталган мекеменин маалымат кызматынан билдиришти.
Чалдыбар айылындагы жеке үйлөрдүн биринде эч кандай коопсуздук нормаларын сактабастан күйүүчү-майлоочу майларды Казакстандан алып барып, андан ары сатуу үчүн түштүк аймактарга оор жүк ташуучу унаалар менен жөнөтүлүп жатканы аныкталган.
"Маалыматты каттоо журналына катталган материалдардын негизинде, 2023-жылдын 3-мартында "Сосновка" стационардык постунда 2 "DAF" автоцистернасы кармалган. Текшерүүнүн жыйынтыгында пломбалардын бүтүндүгүн бузуу, ошондой эле күйүүчү-майлоочу майларга жасалма коштоочу документтерди колдонуу фактылары аныкталган. Бул унаалар айып унаа токтотуучу жайга киргизилип, мөөр басылды",- деп айталыт маалыматта.
Учурда "Чалдовар-авто жол" көзөмөл-өткөрүү пунктунда жайгашкан көзөмөлдөө кызматтарынын (МСК жана ЧК) тиешелүү кызмат адамдарынын чөйрөсүн аныктоо жана мамлекетке келтирилген зыяндын ордун толтурууга багытталган тергөө-ыкчам иш-чаралары жүргүзүлүүдө.
