Жандык болсо да - эне. Мышык ооруган баласын ветеринардык клиникага алып келген
Видеодон жолбуун мышык кичинекей баласын желкесинен тиштеп алып клиникага көтөрүп келатканын көрсө болот. Ал медиктерден жардам сурап жаткандай.
Көчө мышыктын эки баласы бар экен, экөөнүн тең көздөрүнө инфекция кирип кетип, чылпактап ачылбай калган. Мед айымдар бала мышыктарга дары тамчылатып, энесинин курсагын тойгузушкан. Клиниканын персоналы эне мышыктын акылына там беришти.
Ушуга окшош окуя Стамбулда да болгон. Ал окуяны Twitter колдонуучусу Merve Özcan жарыялаган. Мышык жөнүндөгү твиттер бир заматта 80 миң лайк чогултуп, дүйнөлүк ММКларга тараган.
"Бүгүн ооруканда тез жардам бөлүмүндө болчубуз. Бир кезде босогодо баласын тиштеп алган мышык пайда болду", - деп медик айым жазган.
Yavrusu biraz haylaz biri, annesi bulduğu yerde kapıp götürüyor pic.twitter.com/GYvBXt3UQz
— Merve Özcan (@ozcanmerveee) April 27, 2020
Медиктер мышыктын өзүн жана баласын карап чыгып, эч кандай көйгөй табышкан эмес. Ошондо жандыктарга бир аз сүт беришип, ветеринарларга өткөрүп беришкен.
