Боомдо төрт күн бою жол маал-маалы менен жабылат
2075
10-13-май күндөрү Боом капчыгайында таш кулатуу иштери жүргүзүлөт. Бул тууралуу "Кыргыз темир жолу" ишканасынын маалымат кызматы билдирди.
Белгилүү болгондой, Бишкек - Нарын - Торугарт жолунун 131-чакырымында коркунуч жараткан таштар атайылап түшүрүлөт.
Күндүз саат 9:00дөн 15:00гө чейин жолго маал-маалы менен чектөө кирип, транспорт бир тилке менен гана өтүп турары айтылды.
"30-40тан ашык автоунаа топтолсо таш түшүрүү иштери токтоп, аларды өткөрүүгө уруксат берилет. Мындай иштер аталган тилкеде таш кулоо коркунучун, кырсыктын болушун алдын алуу максатында жасалып жатат", - деп айтылат билдирүүдө.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/12087
