Экономика министрлигинде жаңы департамент пайда болду. Ал эмне милдет аткарат?

Шатманов Самат Бектурович мурда ээлеген кызматынан бошотулуп, Экономика жана коммерция министринин орун басары – ошол министрликтин алдындагы Туризм департаментинин директору болуп дайындалды. Мурда департамент Маданият министрлигинин карамагында болгон. Тиешелүү буйрукка министрлер кабинетинин төрагасы Акылбек Жапаров кол койду.

Эске салсак, Самат Шатманов 2020-жылдын декабрынан бери маданият, маалымат министринин орун басары – Туризм департаментинин директору болуп иштеп келген. Ж.Баласагын атындагы Кыргыз улуттук университетинин Экономика жана финансы институтун бүтүргөн.

Тема боюнча:

Акылбек Жапаров билим берүү министринин жаңы орун басарын дайындады

Тажрыйбасы:

• 2008-2009-жылдары "Альфа Телеком" ЖАКтын кардарларды колдоо боюнча адиси;
• 2009-2010-жылдары мамлекеттик телеканалдарда жарнама боюнча менеджери;
• 2011-жылы - Кыргыз Республикасынын Маданият, маалымат жана туризм министрлигине караштуу Улуттук маданий борбордун башкы адиси;
• 2011-2014-жылдары Кыргыз Республикасынын Маданият, маалымат жана туризм министрлигине караштуу Улуттук маданий борбордун башкы директорунун орун басары;
• 2014-2014-жылдары Бишкек шаарындагы социалдык стационардык мекеменин директорунун орун басары, "Аксы мекенчил жаштары" коомдук кайрымдуулук фондунун төрагасы;
• 2014-жылы Бишкек шаарындагы социалдык оорукананын директорунун милдетин аткаруучу;
• 2017-жылы - NEW TV (ОсОО "2-канал") башкы директорунун биринчи орун басары;
• 2018-2019-жылдары Жогорку Кеңештин аппаратынын чечимдерди кабыл алуу бөлүмүнүн эксперти, ЖК аппаратынын Илимий-изилдөө борборунун катчысынын жардамчысы;
• 2019-2020-жылдары Кыргызстандын Өзбекстандагы элчисинин жардамчысы.