Бишкекте мончо, унаа жуучу жай, бассейндерге чектөө качан алынат? Вице-мэрдин жообу
Борбор калаадагы эң ири Орто-Алыш суу алгычында абал жакшырды. Бул тууралуу Бишкек шаарынын вице-мэри Жыргалбек Шамыралиев билдирди.
Анын айтымында, Орто-Алыш бассейнинин суу горизонтунун статикалык деңгээли жогорулаган, анткени бүгүнкү күндө Ала-Арча жана Аламүдүн дарыяларынын ирригациялык системалары жана каналдары аркылуу суу үзгүлтүксүз агып жатат.
"Деңгээл 1,40 метрге жогорулап, суунун өндүрүшүнүн динамикасы да өстү. Суунун агымы 8900 болуп, анын берилишин турукташтырууга мүмкүнчүлүк түзүүдө. Бүгүнкү күндө шаардын 97%ы суу менен толук камсыз болсо, 3%ы гана камсыздала элек. Бул Арча-Бешик жаңы конушуна график боюнча суу берилип жатканы. Учурда абалды турукташтыруудабыз, оң тенденция байкалууда. Жакынкы арада Арча-Бешиктеги көйгөйдү чечебиз", - деди ал.
Шамыралиев белгилегендей, абоненттердин бир бөлүгүн Түштүк-Батыш суу алгычына өткөрүү пландалууда. Бул үчүн Адышев көчөсүнө түтүкчөлөр тартылууда. Мындан тышкары Көк-Жар конушунун аймагына вентиляторлор орнотулат, бул да суунун бир бөлүгүн өткөрүүгө мүмкүндүк берет.
"Ошентип Орто-Алыш суу алгычында иштер аяктагандан кийин Арча-Бешик конушунда абал турукташат", - деди ал.
Вице-мэрдин айтымында, кырдаал турукташканда бардык чектөөлөр алынат. Ишти июль айынын орто ченинде бүтүрүү пландалууда.
Эске салсак, суунун кескин тартыштыгына байланыштуу Бишкек мэриясы жеке мончолорду, унаа жуучу жайларды жана бассейндерди убактылуу жабуу чечимин чыгарган. Ал эми Арча-Бешик конушунда суу графикке ылайык берилип жатат.
