Кыргызгидромет: Бишкекте 13-июлда температуранын рекорду жаңыланды
Бишкек шаарында кечээ, 13-июлда абанын орточо суткалык температурасы климаттык нормадан 6,7°C жогору болду. Бул тууралуу Кыргызгидромет билдирди.
Белгиленгендей, борбордо 13-июлда күндүз абанын максималдуу температурасы +40°C болду.
"1992-жылы байкалган Бишкектеги абар-ырайынын ысышынын абсолюттук максималдуу +38,9 градус цельсия болгон. 13-июнда бул сандар өзгөрүп, 40 градусту түздү. 14-июлда түнкүсүн абанын минималдуу температурасы +23°C болгон", - деп билдиришти атамекендик синоптиктер.
Кыргызгидромет билдиргендей, 13-июлда күндүз абанын максималдуу температурасы Чүй, Ош, Жалал-Абад, Баткен облустарында 37…40°, Талас өрөөнүндө 36…39°, Талас өрөөнүндө 28…33° ысыган. Ысык-Көл менен Нарын облусунун дыйканчылык зонасында 32...35°C түзгөн.
Абанын төмөнкү температурасы 14-июлда түнкүсүн Чүй өрөөнүндө 19…23°, Жайыл районунда 27°, Таласта 16…17°, Ошто 19…27° жылуу болот. Жалал-Абад, Баткен, Ысык-Көлдө 12...17°C, ал эми Нарын облусунун дыйканчылык зонасында 9...15°C жылуу болот.
Ош шаарында абанын максималдуу температурасы 13-июлда күндүз 39°C, эң төмөнкү температура 14-июлда түнкүсүн +24°C болду.
