Мамлекеттик ММКлар өлкөнүн 91% президентти колдой турганын айтышат. Чынында андай эмес
Эл аралык институттун (IRI) Кыргызстан боюнча ушул жылдын май айындагы сурамжылоосун жарыялагандан кийин "Кабар" мамлекеттик басылмасы президент Садыр Жапаровду өлкө жашоочуларынын 91% колдойт деп жазып чыкты.
Бирок, бул билдирүү манипуляция болуп саналат. Эмне үчүн экенин Kaktus.media редакциясы түшүндүрөт.
Белгилүү болгондой, 91% респонденттердин айрым саясатчыларга карата сурамжылоонун натыйжасында алынган. Бул бөлүмдө сурамжылоонун катышуучуларына өлкөдөгү 20 же андан көп саясатчылардын тизмеси берилген, ага респондент жеке баасын берип, өз мамилесин билдириши керек: "абдан жакшы", "жакшы", "такыр терс", "тааныбайм" жана "билбейм/жооп берүүдөн баш тартам".
Садыр Жапаровду колдоду делгендердин 91%ы "абдан жакшы" (64%) жана "жакшы" (27%) көрсөткүчтөрүн кошуу менен түзүлгөн. Бирок саясатчыларга карата оң мамиленин пайыздары алардын саясатын колдоонун пропорционалдуу көрсөткүчү эмес. Жаран тигил же бул саясатчыга инсан катары боору ооруп калышы мүмкүн, бирок бул аны саясатчы/чиновник/лидер катары колдойт жана анын чечимдерине макул болот дегенди билдирбейт.
Ушул эле билдирүү менен депутат Нуржигит Кадырбековду калктын 69%, же депутат Эрулан Кокуловду кыргызстандыктардын 54% колдойт деп айтууга болот. Бул пайыздар айрым саясатчыларга болгон симпатиянын деңгээлин гана айтып турат.
"Колдоо" түшүнүгү менен изилдөөдөгү "ишеним" бөлүгүн адаштырбоо керек. Сурамжылоодо респонденттер өздөрү билген саясатчылардын ысымдарын айтышкан (үчкө чейин жооп берүүгө уруксат берилген) жана алдыңкы 10дук жарыяланган. Бул сурамжылоодо 100% респонденттин 35% азыркы президентке ишеним көрсөттү, бул калган 9 саясатчынын упайына салыштырмалуу эң жогорку көрсөткүч. Бирок, 100дүн 91% деген чындыкка дал келбейт.
Колдоо жана ишеним эки башка нерсе экенин түшүнүү керек.
