Мэрия "Шашлычная" кафесин бузууну токтотту. Сүрөт
Бишкек мэриясы бүгүн, 31-июлда Жал кичи районундагы "Шашлычная №1" кафесин бузуу иштери болорун маалымдаган.
"Кафенин ээлери өз ыктярлары менен бул жайды бузарын айтышты. Мындан улам биз бузуу иштерин токтоттук", - дейт Орунтаев.
Вице-мэр белгилегендей, кафе ээлери бузуу ишин токтотсо муниципалитеттин кызматкерлери барып демонтаждайт.
Белгилей кетсек, жер тилкелерин ижарага укук берүү боюнча комиссиянын чечими менен "Шашлычная №1" кафесинин ээлерине ижара келишиминин мөөнөтүн узартуудан баш тартылган. Аталган объектти курууда көптөгөн мыйзам бузуулар аныкталып, райондун тургундарынын мекеменин ишмердүүлүгүнө карата даттануулары, чыр-чатактуу кырдаалдар орун алган.
Бишкек шаарынын мэриясынын Жер пайдаланууну контролдоо боюнча башкармалыгына объектти демонтаждоо маселесин иштеп чыгуу тапшырылды.
