Көмүскө казино ачкандар 8 жылга чейин эркинен ажыратылышы мүмкүн
Кумар оюндарын мыйзамсыз уюштуруу үчүн кылмыш жоопкерчилигин караган мыйзамга кол коюлду.
Кылмыш-жаза кодексине киргизилген нормага ылайык, кумар оюндарын уюштуруу, өткөрүү жана лицензиясыз казинолорго, оюн автоматтарына, компьютердик симуляторлорго, интерактивдүү мекемелерге, электрондук (виртуалдык) казинолорго, букмекердик кеңселерге, лотереяларга жетүү мүмкүнчүлүгүн камсыз кылуу - 3 жылдан 5 жылга чейин мөөнөткө эркиндигинен ажыратуу менен жазаланат.
Ушул эле жосундар уюшкан топ тарабынан жасалганда; кылмыштуу чөйрөнүн бир бөлүгү катары; кызмат абалынан пайдалануу менен; же балдарды тартуу 5 жылдан 8 жылга чейинки мөөнөткө эркиндигинен ажыратылат.
Оюн жабдуулары, оюндагы коюмдарды жана утуштарды түзгөн баалуулуктар, ошондой эле мындай оюндарга катышуунун натыйжасында алынган башка кирешелер белгиленген тартипте камакка алынууга жана мамлекеттин эсебине алынууга жатат.
Башкы беттеги сүрөт иллюстрациялык: wroom.ru.
