Кыргызстан менен Тажикстандын топографиялык топторунун жолугуусу кандай өттү?
1776
Жетишилген макулдашууга ылайык, 7-апрелден 13-апрелге чейин Тажикстандын Согди облусунун Бустонунда кыргыз-тажик мамлекеттик чек арасын делимитациялоо жана демаркациялоо боюнча Кыргызстан менен Тажикстандын өкмөттүк делегацияларынын укуктук маселелер боюнча топографиялык жумушчу топторунун кезектеги жолугушуусу болуп өттү.
Министрлер кабинетинин басма сөз кызматы билдиргендей, аталган жолугушуунун алкагында топографиялык жумушчу топтор кыргыз-тажик мамлекеттик чек арасынын калган тилкелеринде биргелешкен талаа иштерин жүргүзүштү.
Тараптар Кыргызстандын аймагында боло турган кийинки жолугушууда калган участокторду сүрөттөө боюнча ишти улантышат.
Жолугушуу достук жана өз ара түшүнүшүү маанайда өттү.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/15937
