Жаан-чачындуу болот. Келерки жумага карата аба ырайынын божомолу
Кыргызгидромет агенттиги 30-июндан 6-июлга чейинки күтүлүп жаткан аба ырайынын божомолун жарыялады.
Өлкөнүн көпчүлүк аймактарында 30-июндан 2-июлга чейин жана 5-6-июль күндөрү өткүн өтүп, күн күркүрөшү күтүлөт. Синоптиктер 3-4-июлда дээрлик бардык региондордо күн ачык болорун божомолдоодо.
Апта башында көпчүлүк жерлерде ылдамдыгы секундасына 15-20 метрге жеткен шамал болору айтылды.
Чүй, Талас
Алдыдагы апта башы Чүй менен Талас өрөөндөрүндө жаан-чачындуу болот. 3-4-июль күндөрү күн ачык болуп, 5-6-июль кайрадан өткүн өтөт. Түштүк-батыштан соккон шамалдын ылдамдыгы 30-июнда, 1-2-июлда күндүз айрым жерлерде секундасына 15-20 метрге жетиши мүмкүн.
Ош, Жалал-Абад жана Баткен
Өлкөнүн түштүгүндө 30-июнь, 1-3-июль күндөрү жамгыр жаайт. Калган күндөрү бийик тоолуу жана тоо этектериндеги жерлерде өткүн өтөт. 30-июнь, 1-2-июлда айрым жерлерде ылдамдыгы секундасына 15-20 метрге жеткен шамал болушу ыктымал.
Ысык-Көл
Синоптиктер бир жума бою айрым жерлерде өткүн өтүп, күн күркүрөй турганын айтууда. Батыштан соккон шамалдын ылдамдыгы секундасына 4-9 метрден, 30-июнда жана 1-2-июлда күндүз айрым жерлерде 15-20 метрге жетери айтылды.
Нарын
Нарын жергесинде 3-4-июлда күн ачык болуп, жаан-чачын күтүлбөйт. Жуманын калган күндөрү көчүлүк аймактарда өткүн өтөт.
