Токмокто дайынсыз болуп жаткан аялдын сөөгү табылды
2054
Токмок шаарында дайынсыз жоголгон тургундун жансыз денеси табылды. Бул туурасында Чүй ОИИББдин басма сөз кызматы билдирди.
Башкармалыктын маалыматына ылайык, 30-июлда 1972-жылы туулган Д.Т.нын туугандары милицияга кайрылышкан. Айтымдарында, жакыны 28-июль күнү саат 08:30дар чамасында Токмок шаарында жайгашкан үйүнөн чыгып кетип, дайынсыз жоголгон.
Бул факты Токмок ШИИБге катталып, тергөөгө чейинки текшерүү иштери башталган.
5-августта саат 15:00 чамасында Токмок шаарындагы Дунларов көпүрөсүнүн астынан аялдын жансыз денеси табылган.
Өлүмдүн себебин аныктоо үчүн бардык зарыл болгон соттук-медициналык экспертизалар дайындалып, тергөө иштери уланууда.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/16879
