Улукбек Марипов салынып жаткан жолдун сапатын текшерди (фото)
Кыргыз Республикасынын Министрлер Кабинетинин Төрагасы Улукбек Марипов Таласка барып, Бишкек-Ош унаа жолундагы реконструкциялоо ишинин жүрүшү менен таанышып, Өтмөк ашуусундагы Суусамыр-Талас-Тараз жолунун абалын текшерди. Мындай маалыматты өкмөттүн администрациясынын маалымат бөлүмү таратты.
Учурда Бишкек-Ош унаа жолунун 132-141-чакырымдагы тилкесинде курулуш иштери жүрүүдө, 132,5-133-чакырымында асфальт-бетондун биринчи катмарын төшөлүп, эски жол тилкеси тегизделген.
Марипов жол оңдоо иштерин тездетүү зарылдыгын белгиледи.
Белгилей кетсек, Бишкек-Ош унаа жолун салуу "Капиталдык салымдар" беренеси боюнча жүргүзүлүүдө жана 2021-жыл үчүн республикалык бюджеттен каржыланат.
Андан соң Министрлер Кабинетинин башчысы Өтмөк ашуусундагы Суусамыр-Талас-Тараз унаа жолунун абалы менен таанышты.
