Президент танк биатлону менен десанттык взводдун жеңүүчүлөрүн кантип сыйлады?
Президент Садыр Жапаров бүгүн, 14-сентябрда VII Эл аралык армия оюндарынын (ARMI-2021) алкагында өткөрүлгөн танк биатлону жана десанттык взвод мелдештеринин жеңүүчүлөрүнө сыйлыктарды тапшырды. Бул тууралуу өлкө башчынын маалымат кызматы кабарлады.
Маалыматта Жапаров Токиодо өткөрүлгөн жайкы Олимпиада оюндарында жогорку натыйжаларга жетишкен спортчулар менен аскерлердин жеңишин Кыргызстандын эгемендүүлүгүнүн 30 жылдыгына белек болду деп жогору баалаганы айтылат.
Натыйжада эл аралык аренада Кыргызстандын желеги көтөрүлүп, Улуу Манастын татыктуу урпактары кайрадан бийик пьедесталга чыгышты.
Жапаров 31-августта Кыргыз Республикасынын Эгемендүүлүк күнүндө танкисттер жеңишке жетишкенин баса белгилеп, өлкөнүн Куралдуу Күчтөрүнүн болочок офицерлери болгон курсанттар десантчылардын арасында мыкты даярдыгын көрсөтүштү.
Мамлекет башчысы аскер кызматкерлерине кол сааттарды белек кылды. Айрымдарына президенттин атынан ыраазычылык баракчалары тапшырылды.
Мындан тышкары, танк биатлону жана десанттык взвод мелдештеринин катышуучуларына жеңиш үчүн акчалай сыйлык катары президенттин резервдик фондунан 1 миллион 880 миң сом бөлүнгөн.
Эл аралык армия оюндары 22-августтан 4-сентябрга чейин 11 мамлекеттин (Алжир, Армения, Беларусь, Вьетнам, Иран, Катар, Казакстан, Кытай, Россия, Сербия жана Өзбекстандын) катышуусунда өттү. Мелдештер 23 полигондо жана Каспий, Араб Япон деңиздерининде бир убакта өттү. Аларга 42 өлкөдөн 277 командадан турган 5 миңден ашуун аскер кызматкери катышты.
Кыргызстандын курама командасы "десанттык взвод" жана "танк биатлону" боюнча экинчи дивизионунда финалдын жеңүүчүсү катары кийинки жылы биринчи дивизиондо ойноо укугуна ээ болду.
