"Өтө зыяндуу!" Бишкек кайрадан абанын булганышы боюнча дүйнөдө лидери болду
Бишкек абанын кирлиги боюнча дүйнөлүк рейтингде үч ири шаардын бири.
8-ноябрь күнү саат 14:15те – шаардын статусу "өтө зыяндуу" деген көрсөткүчтү көрсөткөн. Бул абанын булганышынын жогорку деңгээлин билдирет, адам өмүрүнө бир топ кооптуу. Мындай кырдаалда сыртка беткап кийип чыгуу, үйдө аба тазалагыч колдонуу жана бардык терезелерди жабуу сунушталат. Ошондой эле сыртта спорт менен машыгуу сунушталбайт.
Бул рейтингге ылайык, Бишкек шаарында абанын сапатынын индекси 221 (AQI), ал эми майда бөлүкчөлөрүнүн концентрациясын өлчөө PM2.5 170,4 мкг/м³ көрсөттү.
Бул Бүткүл дүйнөлүк саламаттык сактоо уюмунун (ДСУ) орточо жылдык аба сапатынан 17 эсе жогору!
Белгилей кетсек, өткөн дем алыш күндөрү бул көрсөткүч бир нече эсе жогору болгон: эң жогоркусу жекшемби күнү кечинде, саат 22:00дө көрсөткүч 257 (AQI), ал эми PM2.5 майда бөлүкчөлөрүнүн концентрациясы 328,5 мкг/м³ түзгөн. Бишкек бир нече сааттын ичинде абанын сапаты жана атмосферанын булганышы боюнча шаарлардын арасында дүйнөлүк рейтингде биринчиликти ээледи.
Учурда Бишкек экинчи орунда, биринчи орунда Дели (Индия), үчүнчү сапта Пакистандын Лахор шаары турат. Бирок шаарлар мезгил-мезгили менен орун алмашып турганын эске алыңыз.
Абанын сапатынын дүйнөлүк индекси боюнча Бишкектин эң булганган жери Ак-Өргө конушу болуп саналат. Ал жерде абанын сапатынын индекси 437 (AQI). Кийинкиси - "Ала-Тоо" конушунун көрсөткүчү 424 (АКИ) жана Новопавловка участкасы - 389 (АКИ).
