18ден 35 жашка чейинки кыргызстандыктар Японияга ишке орношо алат
18 жаштан 35 жашка чейинки кыргызстандыктар Японияда үч багыт - тигүү, медайымдар, курулуш иштери боюнча ишке орношо алышат.
Бул тууралуу эмгек, социалдык камсыздоо жана миграция министри Кудайберген Базарбаев "Миграция жана өнүгүү: перспективалар жана жаңы мүмкүнчүлүктөр" форумунда билдирди.
"Эмгек министрлигинин алдындагы жарандарды чет өлкөгө ишке орноштуруу борбору, Ишеналы Арабаев атындагы Кыргыз Мамлекеттик университетинин алдындагы япон таануу институту жана Япониянын" кесиптик союзу " ортосунда келишим түзүлдү",-деди ал.
Документке ылайык, эмгек келишимдери үч жылга чейин түзүлөт. Жарандар медициналык камсыздандыруу, турак жай менен камсыз болушат, келишим аяктагандан кийин төлөнгөн пенсиялык салыктын 80% кайтарып алууга укуктуу болушат. Быйыл 400гө чейин жаранды жөнөтүү пландалууда.
