"Алданбагыла". Дагы эки тургун мыйзамсыз диний уюмдун идеологиясынан баш тартты (видео)
2423
Жалал-Абад облусунун эки тургуну "Хизб ут-Тахрир" диний-экстремисттик уюмунун идеологиясынан баш тартышты. Бул тууралуу Улуттук коопсуздук боюнча мамлекеттик комитеттин басма сөз кызматы билдирди.
Атайын кызматтын кызматкерлери тарабынан профилактикалык иш-чаралар жүргүзүлүп, натыйжада Ала-Бука районунун тургуну С.О.Т. жана Аксы районунун тургуну Х.М.М.лар өздөрү тандап алган диний багытынын туура эмес экенин түшүнүшкөн. Алар зыяндуу экстремисттик идеялардан баш тартып, жарандарды "Хизб ут-Тахрир" уюмунун мүчөлөрүнүн мыйзамсыз чакырыктарына алдырбоого чакырышты.
Тергөөчүлөрдүн айтымында, бул адамдар 1999-2018-жылдары бул кыймылдын кылмыштуу ишмердүүлүгүнө катышып, экстремисттик подпольенин активдүү кызматкерлери менен байланышта болгон.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/7062
