Шайлообек Атазов: Сапар Исаков Москвада ресторан куруп жатат
Жогорку Кеңеште капиталга мунапыс берүү боюнча мыйзам долбоору каралды. Талкууда Шайлообек Атазов Сапар Исаковдун маселесин көтөрдү.
"Кыргызстанды тоноп кеткен мурдагы министрлер, премьер-министрлер бар. Азыр Москвада жашашат, аларга салык төлөп чоң ресторандарды куруп жатышат. Шаарларды тоноп кеткен мэрлер дагы бар. Бул мыйзам долбоордун аларга тиешеси барбы?" - деп сурады ал.
Экономика министри Данияр Амангелдиев белгилегендей, айрым топторду кошпогондо, мунапысты бардыгы пайдалана алат.
"Бул жалпы мунапыс, анда терроризм, кылмыштуулук сыяктуу айрым категориялар үчүн гана чектөөлөр бар. Башка учурларда бул баарына тиешелүү", - деп түшүндүрдү Амангелдиев.
"Сапар Исаков Москвада ресторан куруп жатат, анын тагдыры эмне болот?" - деп сурады Атазов.
"Соттун чечими бар. Ал эми укук коргоо органдары бир күнү ага да жетет", - деп жооп берди Жапаров.
