Поезд өспүрүмдү өлтүрө сүзгөн. Туугандары окуянын күбөлөрүн издеп жатышат. Видео
27-июнь күнү саат 9дар чамасында Бишкектин Ауэзов менен Ч.Валиханов көчөлөрүнүн ортосундагы темир жолдо поезд 17 жаштагы баланы сүзүп, бала каза болду. Бул тууралуу Kaktus.media сайтына маркумдун жакындары билдирди.
Алардын айтымында, милиция окуяга күбө болгондорду жана видеокөзөмөл камераларын издеп жатканын белгилеп, аларга кеңири маалымат берген эмес.
Окуяга күбө болгондордун жакындары 0707 30 40 60 номуруна чалып коюуну суранышат.
Свердлов райондук ички иштер башкармалыгынан Kaktus.media сайтына билдиришкендей, алдын ала маалымат боюнча, 2004-жылы туулган К.Б., келе жаткан поезддин сигналына көңүл бурган эмес. Айдоочу авариялык тормозду баскан, бирок бул кырсыктын алдын алууга жардам берген эмес.
Ооруканага жеткирилген К.Б., эсине келбей, алган жаракатынан улам каза болгон.
