Жигитин тамашалаш үчүн "мени ала качты" деп милицияга чалган кыз кармалды
4191
"102" кызматына "кызды ала-качып кетти" деп пранк кылып чалган жарандар кармалды.
Маалыматка ылайык, 2004-жылы туулган Б.А. аттуу жаран милицияга 4-июлда Ак-Босого жаңы конушунан кызды унаага салып уурдап кетти деп билдирген.
Ошол эле күнү "план перехват" аталышындагы атайын ыкчам операция киргизилип, Калыс-Ордо конушунан "Лексус" үлгүсүндөгү унаанын 1999-жылы туулган Ж.А. аттуу айдоочусу эки иниси менен кармалган.
Тергөө учурунда "уурдалды" деген кыз жигитин тамашалап, "102" кызматына өзү чалгандыгын тастыктаган.
Кармалган жарандарга укук бузуулар кодексинин 132-беренесине (милиция, өрттөн сактоо, медициналык тез жардам өңдүү адистештирилген кызматты билип туруп жалган чакыруу) ылайык чара көрүлөт.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/7386
