Таласта агасы менен карындашынын сөөгү дарыядан табылды
4192
Талас облусунда дарыяга түшүп кеткен бир туугандардын сөөгү табылды. Өзгөчө кырдаалдар министрлигинен билдиришкендей, өспүрүм кыздын сөөгү суунун үстүндө калкып калган.
19-июлда Манас районуна караштуу Покровка айылында 18 жаштагы У.Э. аттуу жигит жана 16 жаштагы У.К. аттуу кыз (бир туугандар) дайынсыз жоголгон.
Издөө иштерин милиция кызматкерлери жүргүзүшкөн. Бүгүн, 20-июлда издөө иштерине 5 куткаруучу да тартылган.
Натыйжада Талас дарыясынан бир туугандардын биринин сөөгү саат 11:20 чамасында суу үстүндө калкыган абалда табылды. 1 жарым саат өткөндөн кийин куткаруучулар суунун түбүнөн жигиттин сөөгүн алып чыгышты.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/7589
