Жол кырсыгына кабылган аскерлердин абалы айтылды
Кыргызстандын Коргоо министрлиги жол кырсыгына кабылган аскерлердин абалы тууралуу комментарий берди.
Коргоо министрлиги жабыркаган курсанттардын абалына көз салып жатышканын кабарлады.
"Керектүү дары-дармектер менен камсыз болуп, медициналык кароодон өткөрүлүп жана операцияларда керектүү жардамдар көрсөтүлүп жатат. Мындан тышкары, тез калыбына келтирүү үчүн жакшы тамак-аш менен камсыздалып жатат.
Ооруканага жаткырылган аскер кызматчылары аскердик медицина кызматкерлеринин такай көзөмөлүндө. Учурда курсанттардын абалы канааттандырарлык деп айтылып жатат. Жол кырсыгы боюнча кылмыш иши козголуп, кызматтык иликтөө жүрүп жатат", - деп айтылат маалыматта.
Эске салсак, 27-августта 25 курсант аскердик ант бергенден кийин "Ата-Бейит" мемориалдык комплексинен Бишкекке келе жатканда жол кырсыгы катталган. Кырсыктын кесепетинен 21 адам жабыркап, алардын 9у ооруканада, 12си Аскердик госпиталда.
