Депутаттар Чыңгыз Айдарбековду комитеттин төрагалыгынан бошотту
Жогорку Кеңештин депутаттары эл аралык иштер, коргоо, коопсуздук жана миграция боюнча комитеттин жетекчиси Чыңгыз Айдарбековду көпчүлүк добуш менен кызматтан алды. Бул тууралуу парламенттин отурумунда белгилүү болду.
43 депутат макул, 16 депутат каршы добуш берди.
Белгилей кетсек, буга чейин парламенттеги беш фракция Айдарбековду Эл аралык иштер, коргоо, коопсуздук жана миграция боюнча комитетинин төрагалыгынан алуу боюнча чечимин кабыл алганы белгилүү болгон. Бул профилдик комитет, башка маселелер менен катар Өзбекстан менен чек араларды делимитациялоо жана демаркациялоо маселелери менен алектенет.
Айдарбеков бир күн мурун Өзбекстан менен чек аранын айрым тилкелерин делимитациялоо боюнча келишим долбоору боюнча өзү жетектеген комитеттин чечимине кол коюудан баш тарткан.
