Алымкадыр Бейшеналиевге карата козголгон 7 кылмыш иштин баары токтотулду
Мурдагы саламаттык сактоо министри Алымкадыр Бейшеналиевге карата козголгон кылмыш иштеринин баары токтотулду. Маалыматты Kaktus.media редакциясына анын жактоочусу Кайсын Абакиров ырастады.
Анын айтуусуна караганда, өндүрүш иши август айында эле кылмыштын белгиси жоктугуна байланыштуу токтотулган.
Эске сала кетсек, үстүбүздөгү жылдын июнь айынын башында Алымкадыр Бейшеналиев ага карата козголгон жети кылмыш ишине байланыштуу саламаттык сактоо министри кызматынан четтетилген. Ал СИЗОго киргизип, 16-июнда үй камагына чыгарылган. Жаркынбек Касымбеков министрдин милдетин убактылуу аткаруучу болуп дайындалган.
16-августта Бейшеналиевге карата айып тагылган жалгыз кылмыш иши боюнча иш кылмыштын белгилери жоктугуна байланыштуу токтотулган. Кеп COVID-19 коронавирустук инфекцияга каршы вакцина сатып алуу жөнүндө болуп жатат.
Саламаттык сактоо министрлигинин ишмердүүлүгүнө байланыштуу козголгон калган алты эпизод боюнча тиешелүү иштер жүргүзүлүүдө.
19-августта Бейшеналиев министрлик кызматтан кетип, Чолпон-Атадагы "Алтын балалык" ден соолукту чыңдоочу-реабилитациялык комплексине директор болуп дайындалган.
