Баткенде тойго бара жаткан үй-бүлө мүчөлөрү жол кырсыгынан мерт кетти
1927
Баткенде 8 адамдын өмүрүн алган жол кырсыгы катталды. Анда кичи автобус менен жеңил унаа сүзүшкөнүн облустук жол кыймылынын коопсуздугун камсыздоо башкармалыгынан кабарлашты.
Башкармалыктын маалыматына караганда, кырсык 22-ноябрда саат 19:30 чамасында Кадамжай районунда орун алды. Mercedes-Benz Sprinter менен Opel Vectra унаасы сүзүшкөн. Кырсыктын кесепетинен 5 адам жеринде каза болуп, дагы 3 жаран ооруканага бара жатканда көз жумду. Учурда 1 жабырлануучу оор абалда Баткен облустук биргелешкен ооруканасына жаткырылды.
Алдын ала маалымат боюнча, кырсыкка кабылгандардын бешөө бир үй-бүлө мүчөлөрү болушкан. Алар тойго бара жатышкан.
Бул жол кырсыгы боюнча тиешелүү экспертизалар дайындалып, тергөө амалдары жүргүзүлүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://social.kaktus.media/9380
